الأحد , ديسمبر 11 2016

الرئيسية / طفلى / قصص والعاب / اناشيد الحضانة مكتوبة

اناشيد الحضانة مكتوبة

اناشيد الحضانة

من اجمل ذكرياتنا فى الماضى والتى لا تنسى بمرور الزمان هى اناشيد الحضانة فهى كانت عبارة عن اغاني قصيرة ولكن تحمل معانى عظيمة مفيدة لاطفال الروضة وكان منها الاناشيد الاسلامية و الاناشيد التعليمية وتتميز هذه الاناشيد بأنها سهلة الحفظ ومنها ايضا ماهو باللغة الانجليزية

اناشيد واغانى الاطفال
اناشيد واغانى الاطفال

وسندون لكم فى هذا الموضوع العديد من اناشيد الاطفال الدينية والتعليمية

بسم الله
بسم الله بسم الله ************* احلى كلام اتعلمناه
لما نأكل لما نشرب ************* لازم كلمة بسم الله
لما نقرأ لما نكتب ************* لازم كلمة بسم الله
لما نجرى لما نلعب ************* لازم كلمة بسم الله
بسم الله بسم الله ************* احلى كلام اتعلمناه


 محمد نبينا

محمد نبينا ***** أمه آمنه
أبوه عبد الله ***** مات ما رآه
جده اللى رباه

أبو طالب عمه ***** كان بيخفف عنه
ستنا حليمه ***** مرضعة نبينا
لما تشوفه تقوله ***** جانا السعد كله

صلى الله على محمد صلى الله عليه وسلم


رايح فين يا حماده ***** رايح اجيب شوكلاتة
انت ومين ياحماده ***** انا و ماما و بابا
شوفوا ماما جابتلى إيه ***** نونو صغير ياختى عليه
ياللا نبوسه من ايديه ***** ونعلمه أ-ب-ت-ث-ج-ح-خ …الخ


 الشمس

اصحى يا شمس بدري ***** خلي البحر يغلي

يطلع منة بخار ***** يبقي سحاب طيار

يجي الريح ويشيله ***** يتخانق ويا زميله

يحصل رعد وبرق ***** يجي الخير و السعد

مطره تسقي الأرض


الكتكوت

ياكتكوت يا صغير ***** مالك كده متحير

مين طلعلك ريشك؟؟

بابا؟؟ ****** لا لا

ماما؟؟ ****** لا لا

امال مين؟؟ ***** هو رب العالمين


الفيل

انا الفيل ابو زلومه

زلومتى طويله طويله

اخد بيها المايه وارش

رشه ورشه زى الدش

انا زعلان انا زعلان

جدا جدا من الانسان

لما ندانى ابرهه

روح للكعبه وهدها

انا مرضتش عشان الله

قولوا يا ولاد سبحان الله

سبحان الله سبحان الله


الحضانة
الحضانة حلوه ***** بتعلمنا غنوة
شمر أيدك شمر ***** ابنى معايا وعمر
ابنى مسجد عالى ***** هو املنا الغالى
و احنا ياهنانا ***** اطفال الحضانة
الميس بتوصينا ***** نحب بعضينا


الارنب

كان فى ارنب طالع يلعب بره البيت

لقى فتفوته من بسكوته جنب الحيط

اكلها بسرعه وبعد شويه قال اه يابطنى هتموتنى

جوله اصحابه ادوله حقنه حقنه كبيره حرم ياكل بره البيت


ارنبتي سونيه


مين شاف ارنبتي سونيه ***** اجمل ارنبه فى الدنيا

فروتها حرير فى حرير ***** وخفيفه تنط كتير

ساعة العصريه تمام ***** تجرى لجحرها وتنام


واحد اتنين واحد اتنين ***** كان في راجل مسكين

تلاته اربعه تلاته اربعه ***** كل هدومه متقطعه

خمسه سته خمسه سته ***** اديتو من عندي جاكته

سبعه تمانيه سبعه تمانيه ***** بقي اسعد انسان ف الدنيا

تسعه عشره تسعه عشره ***** يابخت الي يساعد الفقره


واحد هو ربى

اتنين ماما وبابا

تلاته هم اخواتى

اربعه هم اصحابى

خمسه صوابع ايدى

سته اصحى بدرى

سبعه اروح حضانتى

تمانيه ادخل فصلى

تسعه تيجى مدرستى

عشره نمرة كراستى


اراجوزى سكره

اراجوزى سكره ***** مناخيره مدوره

وعيونه مثلثات ***** وخدوده احمره

شوف شعره جميل ازاي ***** دايما غاسل وشه

لبسه جديد ونضيف ***** ودوافره قصيره


طيارتنا الحربية


طيارتنا الحربيه ***** ادت اعمال بطوليه
الطيار كان فيها ***** طالع نازل بيها
يضرب ع الاهداف ***** ابدا عمره ما خاف



السما فين؟ ***** فوق فوق
والارض فين؟ ***** تحت تحت
انتم وحشين؟ ***** لالالا
انتم حلوين؟ ***** اه اه
الايد دى كام؟ ***** خمسه
والايد دى كام؟ ***** خمسه
يالا نحط ايد على ايد ***** يبقوا عشره بالتاكيد



ان شاء الله يادوله تكبر

تكبر حبه حبه ***** تكبر ذى الحبه

حبة القمحايه ***** والسنه الجايه

هولع شمعايه *****على راس التورتايه

و انا هحكى حكايه ***** و انت تكبر معايه

شاهد أيضاً

الثعلب

قصة الثعلب الذى فقد ذيله

قصة الثعلب الذى فقد ذيله كان ياما كان يا سعد يا اكرام وما يحلى الكلام ...